“Манчестер Юнайтед” устози Жозе Моуриньо жароҳатидан қутулган Люк Шоунинг нима сабабдан бугун АПЛ доирасида “Саутгемптон”га қарши учрашувда майдонга тушмаслигини айтиб ўтди.
22 ёшли англиялик ҳимоячи ушбу ҳафтада Англия лига кубогининг “Бёртон”га (4:1) жамоаси билан баҳсда захирадан майдонга тушди. Сўнгги марта у 30 апрель куни майдонда кўриниш берганди.
"У ҳали ишлаши керак. Мана, бўлди. Сизлар кўраётган нарсани мен ҳам кўряпман. Сиз уни бугун майдонга тушишини сўраяпсизми? Йўқ, ўйнамайди. У ҳали ўз ўйинини кучайтириши керак.
Эшитинглар, у бир неча ой майдонга тушмади. Мен ундан чоршанба куни майдонга тушиб ёки 45 дақиқа ўйнаб энг яхши ўйинчи бўлишини кутмаяпман. У анча вақт давомида майдонга тушмади", - дейди Моуриньо.
