“Napoli” bosh murabbiyi Maurisio Sarri SPALga qarshi uchrashuv (3:2) dan so‘ng raqib maydoni haqida tanqidiy fikrlar bildirdi.

“SPAL – yaxshi o‘yin o‘tkazdi, yarim himoyada barcha zonalarni yopa oldi. Lekin kechirib qo‘yasizlaru, biz bugun Italiya chempionatiga nomunosib bo‘lgan stadion maydonida o‘ynashga majbur bo‘ldik.

Bu birinchi marta emas, bu bizning o‘yin uslubimizni o‘zgartirib yuboradi, muammolarni ko‘paytiradi.

To‘p nazoratini ushlab turishga ham noqulay. Umuman olganda, himoyaga yotib olgan jamoaga qarshi o‘yinda g‘alaba qozonishning o‘zi katta natija. Ikkinchi bo‘limda ko‘rsatgan ajoyib o‘yinimiz tufayli g‘alaba qozondik”, - deydi Sarri.