“Наполи” бош мураббийи Маурицио Сарри СПАЛга қарши учрашув (3:2) дан сўнг рақиб майдони ҳақида танқидий фикрлар билдирди.
“СПАЛ – яхши ўйин ўтказди, ярим ҳимояда барча зоналарни ёпа олди. Лекин кечириб қўясизлару, биз бугун Италия чемпионатига номуносиб бўлган стадион майдонида ўйнашга мажбур бўлдик.
Бу биринчи марта эмас, бу бизнинг ўйин услубимизни ўзгартириб юборади, муаммоларни кўпайтиради.
Тўп назоратини ушлаб туришга ҳам ноқулай. Умуман олганда, ҳимояга ётиб олган жамоага қарши ўйинда ғалаба қозонишнинг ўзи катта натижа. Иккинчи бўлимда кўрсатган ажойиб ўйинимиз туфайли ғалаба қозондик”, - дейди Сарри.
