“Chelsi” bosh murabbiyi Antonio Konte “Stok Siti”ga qarshiuchrashuv (4:0) dan so‘ng jamoa muxlislarining Alvaro Morataga atab kuylagan qo‘shiqlari yoqib tushgani haqida gapirdi.
Muxlislar: “Alvaro, Alvaro, sen quyoshli Ispaniyadan kelding va Xarri Keyndan yaxshiroqsan” deya qo‘shiq kuylab jamoalarini qo‘llab-quvvatlab turishdi.
Avvalroq, qo‘shiqda “Tottenxem” jamoasi manziliga bildirilgan bir qancha salbiy so‘zlar ham bor edi. Ammo “Chelsi” rahbariyati muxlislardan bu qo‘shiqni kuylamasliklarini so‘rashgandi.
“Qo‘shiq so‘zlarini almashtirishgani menga yoqdi, muxlislarimiz bizni qo‘llab-quvvatlashda davom etishsin. Ular bizga qo‘shimcha kuch berib turishdi. Albatta, buning uchun muxlislarga minnatdorchilik bildiraman”, — deydi Konte.
