Reuters’ning xabar berishicha, Saudiya Arabistonida qirollikka asos solinganidan buyon ilk bor ayollarning stadionga kelishlariga ruxsat berildi.

Ayollarga mamlakat tashkil etilganligining 87 yilligi  munosabati bilan poytaxt ar Riyodda, Qirol Fahd nomidagi xalqaro stadionda tashkil etilgan musiqali komediya kechasiga tashrif buyurishlariga izn berildi.

Ushbu qaror Saudiya Arabistonining chet eldagi nufuzini ko‘tarish va o‘z xalqining yashash sifatini yaxshilash maqsadida qabul qilindi.

“Vizion 2030” rejasiga ko‘ra, shuningdek, hukumatning odatda Islom qonunlariga qattiq rioya etadigan tarafdorlar tomonidan tanqid qilinadigan sport va shu kabi xordiq chiqarish tadbirlariga ham ko‘proq sarmoya kiritishi kutilmoqda.

Eslatib o‘tamiz, joriy yilning fevral oyida Saudiya Arabistonida mamlakat tarixida birinchi marta “Comic Con” festivali ham bo‘lib o‘tgan edi.