Reuters’нинг хабар беришича, Саудия Арабистонида қиролликка асос солинганидан буён илк бор аёлларнинг стадионга келишларига рухсат берилди.
Аёлларга мамлакат ташкил этилганлигининг 87 йиллиги муносабати билан пойтахт ар Риёдда, Қирол Фаҳд номидаги халқаро стадионда ташкил этилган мусиқали комедия кечасига ташриф буюришларига изн берилди.
Ушбу қарор Саудия Арабистонининг чет элдаги нуфузини кўтариш ва ўз халқининг яшаш сифатини яхшилаш мақсадида қабул қилинди.
“Vizion 2030” режасига кўра, шунингдек, ҳукуматнинг одатда Ислом қонунларига қаттиқ риоя этадиган тарафдорлар томонидан танқид қилинадиган спорт ва шу каби хордиқ чиқариш тадбирларига ҳам кўпроқ сармоя киритиши кутилмоқда.
Эслатиб ўтамиз, жорий йилнинг февраль ойида Саудия Арабистонида мамлакат тарихида биринчи марта “Comic Con” фестивали ҳам бўлиб ўтган эди.
