Quyida siz futbol ichidagi va sirtidagi mashhur insonlarning ham fikrlarini o‘qishinggiz mumkin.
MARK VAN BOMMEL (GOLLANDIYA)
- Men uchun ishonch muhim. Agar sen avvalgi 45 daqiqada sust o‘ynasang, Van Basten seni almashtiradi. Menga bunday usul qo‘l kelmaydi. Faqat xato qilmaslik haqida o‘ylaysan. Bu esa menga ham, jamoaga ham yordam bermaydi (Van Basten haqida).
RIO FERDINAND (ANGLIYA)
- MYUda eng yomon kiyinadigan kim? Shubhasiz, Tomash Kushchak! Bir vaqtlar biz qandaydir marosimga borgan edik, shunda uning kuylagini ko‘rib, «daxshat»ga tushgan edim. Uning kiygan kiyimining rangidan yomon rang yo‘q edi. Aytgancha, u bu kiyimini alohida qilib, o‘ziga hos marosimlarga kiyish uchun olib qo‘yadi.
- Poyafzal masalasida Andersonning didi umuman yo‘q. Yaqinda unga o‘zimnikini berdim. Tomash Kushchakning ustida turli «jinnilik»larni ko‘rish mumkin (jamoadoshlarining didlari haqida).
- Agar siz Fergyussondan so‘rab ko‘rsangiz, men doimo kimni sotib olmoqchi ekanligiga qiziqaverib, uni bezor qilib yuborganimni tasdiqlaydi.
- Men bir necha yil oldin hujumda to‘p surishga urinib ko‘rgan edim, ammo bu «ishni» darhol yopishdi. Balki, hujumchilarimizga katta raqobat tug‘dirgandirman (boshqa ampluada to‘p surishi haqida).
FERNANDO TORRES (ISPANIYA)
- Dastxat berish ham ishimning bir bo‘lagi. Agar buning uchun navbat kutayotgan bo‘lishsa, demak, men yaxshi o‘ynayapman. Axir yomon futbolchidan dastxat olishmasa kerak(muxlislarga dastxat ulashishi haqida).
- Ba’zan kafega kirib, tinchgina muzqaymoq yegim keladi. Lekin... Kimdir «Qaranglar Fernando Torres» - deb baqirib qoladi va boshlanadi. Mashhurlik shunday ekan(Mashhurligi haqida).
