Қуйида сиз футбол ичидаги ва сиртидаги машҳур инсонларнинг ҳам фикрларини ўқишинггиз мумкин.
МАРК ВАН БОММEЛ (ГОЛЛАНДИЯ)
- Мен учун ишонч муҳим. Агар сен аввалги 45 дақиқада суст ўйнасанг, Ван Бастен сени алмаштиради. Менга бундай усул қўл келмайди. Фақат хато қилмаслик ҳақида ўйлайсан. Бу эса менга ҳам, жамоага ҳам ёрдам бермайди (Ван Бастен ҳақида).
РИО ФEРДИНАНД (АНГЛИЯ)
- МЮда энг ёмон кийинадиган ким? Шубҳасиз, Томаш Кушчак! Бир вақтлар биз қандайдир маросимга борган эдик, шунда унинг куйлагини кўриб, «дахшат»га тушган эдим. Унинг кийган кийимининг рангидан ёмон ранг йўқ эди. Айтганча, у бу кийимини алоҳида қилиб, ўзига ҳос маросимларга кийиш учун олиб қўяди.
- Пояфзал масаласида Андерсоннинг диди умуман йўқ. Яқинда унга ўзимникини бердим. Томаш Кушчакнинг устида турли «жиннилик»ларни кўриш мумкин (жамоадошларининг дидлари ҳақида).
- Агар сиз Фергюссондан сўраб кўрсангиз, мен доимо кимни сотиб олмоқчи эканлигига қизиқавериб, уни безор қилиб юборганимни тасдиқлайди.
- Мен бир неча йил олдин ҳужумда тўп суришга уриниб кўрган эдим, аммо бу «ишни» дарҳол ёпишди. Балки, ҳужумчиларимизга катта рақобат туғдиргандирман (бошқа амплуада тўп суриши ҳақида).
ФEРНАНДО ТОРРEС (ИСПАНИЯ)
- Дастхат бериш ҳам ишимнинг бир бўлаги. Агар бунинг учун навбат кутаётган бўлишса, демак, мен яхши ўйнаяпман. Ахир ёмон футболчидан дастхат олишмаса керак(мухлисларга дастхат улашиши ҳақида).
- Баъзан кафега кириб, тинчгина музқаймоқ егим келади. Лекин... Кимдир «Қаранглар Фернандо Торрес» - деб бақириб қолади ва бошланади. Машҳурлик шундай экан(Машҳурлиги ҳақида).
