«Milan» bosh murabbiyi Vinchenso Montella klub rahbarlari Marko Fassone va Massimiliano Mirabelli bilan uchrashdi.
Rahbariyat fikriga ko‘ra, "Milan" o‘zidan kuchsiz sanalgan raqiblarga yutqazmasligi lozim. O‘tgan yakshanbada, jamoa «Sampdoriya»ga (0:2), bir necha hafta oldin «Lasio»ga (1:4) mag‘lub bo‘lgan edi. Bunday salbiy natijalarning maqsadga muvofiq emasligi bosh murabbiyga ma’lum qilingan.
"Milan" navbatdagi o‘yinni Yevropa Ligasi doirasida Xorvatiyaning "Riyeka" klubiga qarshi o‘tkazadi. Ammo Montella taqdiri uchun chempionatdan o‘rin olgan «Roma» (1 oktyabr) va «Inter»ga (15 oktyabr) qarshi o‘yinlar hal qiluvchi ahamiyat kasb qilishi mumkin.
