«Милан» бош мураббийи Винченцо Монтелла клуб раҳбарлари Марко Фассоне ва Массимилиано Мирабелли билан учрашди.
Раҳбарият фикрига кўра, "Милан" ўзидан кучсиз саналган рақибларга ютқазмаслиги лозим. Ўтган якшанбада, жамоа «Сампдория»га (0:2), бир неча ҳафта олдин «Лацио»га (1:4) мағлуб бўлган эди. Бундай салбий натижаларнинг мақсадга мувофиқ эмаслиги бош мураббийга маълум қилинган.
"Милан" навбатдаги ўйинни Европа Лигаси доирасида Хорватиянинг "Риека" клубига қарши ўтказади. Аммо Монтелла тақдири учун чемпионатдан ўрин олган «Рома» (1 октябрь) ва «Интер»га (15 октябрь) қарши ўйинлар ҳал қилувчи аҳамият касб қилиши мумкин.
