Oliy ligadan o‘rin olgan "Paxtakor" - "Mash’al" (3:1) o‘yini qahramonlaridan biriga aylangan Gidi Kanyuk o‘z taassurotlari bilan o‘rtoqlashdi.
"Biz yaxshi jamoaga qarshi o‘ynadik. Birinchi bo‘limning o‘zida 2 gol urdik va yana 2 golimiz xato tufayli hisobga olinmadi. Ikkinchi bo‘limda natijadan salgina xotirjamlikka berildik, lekin g‘alaba uchun kurashishda davom etdik.
Jamoaga yordamim tegayotganidan xursandman. Biz aynan shunday ruhda davom etishni istaymiz. O‘yindan-o‘yinga kuchayib borayotganimizni his qilyapman. Hozir keyingi bellashuv to‘g‘risida o‘ylayapmiz" - dedi Kanyuk.
