«Manchester Yunayted» bosh murabbiyi Joze Mourinyo Yevropa chempionlar ligasi doirasida SSKAga qarshi bo‘lib o‘tgan o‘yin (4:1) borasida o‘z fikrlarini bildirib o‘tdi.

– Bugungi uchrashuv – «MYU»ning hozirgi paytdagi eng yaxshi o‘yinimi?
– Albatta, o‘yinni bunday boshlashimizni kutmagandim. Biz juda kuchli boshladik: dastlabki 4ta zarbaning 3tasini golga aylantirdik. Bunday ajoyib startdan keyin xotirjamlikni saqlab qolib, o‘yinni g‘alabagacha olib borishimiz kerak edi.

– O‘yindan avval xotirjamlikni saqlab qolish haqida gapirgandingiz. Bunday ajoyib o‘yindan keyin buni uddalash qiyin bo‘lsa kerak?
– Bunday g‘alaba jamoaning umumiy holatiga ham, ba’zi futbolchilarning holatiga ham ijobiy ta’sir ko‘rsatadi. Jumladan, Erreraga. U yetarli o‘yin amaliyotiga ega bo‘lmayapti, ammo bugun zo‘r o‘ynadi. Bu gapni Marsyal haqida ham aytish mumkin. Shanba kuni bo‘ladigan APL bahsiga sidqidildan tayyorgarlik ko‘ramiz.

– Marsyalning o‘yiniga qanday baho berasiz?
– Safarda qo‘lga kiritilgan g‘alabadan xursandman. «MYU» so‘nggi marta YECHLda ishtirok etganida, jamoa bunday natijani qo‘lga kirita olmagandi, ayniqsa, safar bahslarida. O‘tgan mavsumda biz YECHLda ishtirok etmadik. Biz musobaqaga qaytdik va ajoyib natijalarni qayd etyapmiz. Bahsning 60-daqiqasiga qadar barcha yaxshi o‘ynadi. Hisob 4:0ga yetganidan keyin o‘yinchi almashtirishlarni amalga oshirdim va o‘yinni yakuniga yetkazib qo‘ydik. Shu bilan birga, hech kim jarohat bilan bog‘liq muammolarimizni hech kim gapirmayapti. Markaziy o‘qimiz kuchsizlanib qolgan. Lekin maydonga tushayotgan futbolchilar juda yaxshi o‘ynashmoqda.

– Lukaku oktyabr oyiga qadar 10ta gol urdi.
– Bu hayratlanarli natija, lekin futbolni hujumchining o‘zi o‘ynamaydi. Lukakuning atrofida ajoyib jamoa yig‘ilgan. Sentyabr oyida yana bitta o‘yinimiz qoldi. Bu oyda u yaxshi o‘yin ko‘rsatdi. Umid qilaman, bunday natijalar unga salbiy ta’sir ko‘rsatmaydi hamda u ishlashda va gol urishda davom etadi.