“Inter”ning sobiq futbolchisi Marko Materassi Chempionlar ligasi finalida Zidanga muxlislik qilganini va u bilan yarashmoqchi ekanligini aytdi.
“Men Kardiffda “Real”ga muxlislik qildim, — dedi Materassi. — Menga Zidanning xarakteri yoqadi va men unga qarshi hech narsa qilmaganman, hech narsa o‘ylamaganman. Men u bilan yarashmoqchiman va Zidanni yana bir bor tabriklayman. Biz endi ancha aqli kirgan odamlarmiz, men Zidan bilan yarashishni istayman. O‘sha voqeadan keyin gaplashganimiz yo‘q. Menda u bilan uchrashish imkoni bo‘lmayapti. Agar uchrashib qolganimizda, barcha dilxiraliklarga chek qo‘yishga tayyorman. Agar u istasa, uzr so‘rashim ham mumkin”.
