«Chelsi» bosh murabbiyi Antonio Konte Angliya premyer-ligasining 7-turidan o‘rin olgan «Manchester Siti»ga (30 sentyabr) qarshi uchrashuv borasida o‘z fikrlari bilan o‘rtoqlashdi.

«So‘nggi 21 kun ichida yettita uchrashuvda maydonga tushdik. Yaxshi bilasiz, «Manchester Siti» juda yaxshi jamoa sanaladi. Ammo ular o‘tgan yili ham boshida shunaqa o‘yin ko‘rsatgandi. Bu mavsumda jamoa yaxshi futbolchilarni sotib oldi va yetaricha o‘sishga erishdi. Ular mavsumni juda yaxshi boshlashdi va o‘ziga ishongan holda kurashni davom ettirmoqda. Shubhasiz, biz ham juda diqqatli bo‘lishimiz kerak bo‘ladi.

Bizda tayyorgarlik ko‘rish uchun atigi bir kun vaqt bo‘lgandi va biz imkoni boricha tayyorgarlik ko‘rdik. Ertangi uchrashuvda tarkib tanlash unchalik oson bo‘lmaydi. «Atletiko»ga qarshi o‘yin ko‘z oldimdan ketmayapti, unda har bir futbolchi ajoyib o‘yin namoyish etdi. Men har bir futbolchining jismoniy holatini o‘rganib chiqishim kerak, shundan so‘ng bir qarorga kelaman. «Atletiko» ustidan qozonilgan g‘alaba, o‘z kuchimizga bo‘lgan ishonchni oshirdi. Bu esa bizni kuchli qiladi.

Aguero haqida:

"Birinchidan, bunday voqea yuz berganidan afsusdaman va u o‘zini yaxshi his qilyapti deb umid qilaman. Sen bilan baxtsiz voqea yuz berishi yomon, ammo u bilan hammasi joyida deb o‘ylayman. Futbolchilar - bolalar emas, ularda oila va farzandlar bor.

Ularga ma’suliyat yuklashga o‘rganib qoldim va ular klub, o‘zi va jamoani hisobga olib optimal qaror qabul qilishlari kerak bo‘ladi. To‘g‘risini aytsam, juda havotir olmayman, chunki futbolchilari optimal qaror qabul qilishlarini bilaman. O‘zim ham futbolchi bo‘lganman va dam olish kunida ma’suliyatni his qilish kerak" - deydi Konte.