Oliy liganing 23-turida “So‘g‘diyona” o‘z maydonida Samarqandning “Dinamo” klubini qabul qildi.

Bu o‘yinda hisob ochilmadi. O‘yindan so‘ng “So‘g‘diyona” bosh murabbiyi Igor Shkvirin matbuot anjumanida qatnashdi va o‘yin borasida o‘z fikrlari bilan o‘rtoqlashdi.

"O‘yin qiyin bo‘lishini bilgan edik. “Dinamo” kurashuvchan jamoa. Maydonda 10 kishi bo‘lib o‘ynaganimizga qaramay, futbolchilar maydonda yaxshi harakat qilishdi. Buni “Dinamo” murabbiylari ham e’tirof etishdi. Agar vaziyatlardan unumli foydalanganimizda natijani o‘z foydamizga hal qilgan bo‘lar edik. Bugun yana muhlislarni xursand qilolmadik. O‘yindan o‘yinga bu qandaydir yomon an’anaga aylanmoqda. Mayda qadamlar bilan oldinga bormoqdamiz. Ishlashda davom etamiz.
Bugun 2 ochko yo‘qotdik. O‘yinga real qaraganda, bir futbolchi kam bo‘lib o‘ynab ham bir nechta vaziyatlar yarata oldik. 10 kishi bo‘lib ham g‘alaba qozonish mumkin. Bunga misollar juda ko‘p" - dedi Shkvirin.