Ispaniya chempionatining 7-turidan o‘rin olgan "Barselona" - "Las-Palmas" o‘yini qoldirilmaydigan bo‘ldi.
Ma’lumki, ayni paytda Kataloniya mustaqilligi uchun referendum o‘tkazilmoqda va unda polisiya bilan aholi o‘rtasida to‘qnashuvlar avjiga chiqqan. Shu tufayli, o‘yinning boshqa muddatga qoldirilish haqida xabarlar chiqqan edi.
Biroq, La Liga rahbariyati o‘yinning ko‘chirilishi uchun jiddiy sabab ko‘rmadi. Bundan tashqari, Ispaniya polisiyasi o‘yin paytida xavfsizlik choralari yuqori darajada bo‘lishiga va’da berdi.
Shunday bo‘lsa-da, «Barselona» rahbariyati bu o‘yinni muxlislarsiz o‘tkazishga qaror qildi.
