Испания чемпионатининг 7-туридан ўрин олган "Барселона" - "Лас-Пальмас" ўйини қолдирилмайдиган бўлди.
Маълумки, айни пайтда Каталония мустақиллиги учун референдум ўтказилмоқда ва унда полиция билан аҳоли ўртасида тўқнашувлар авжига чиққан. Шу туфайли, ўйиннинг бошқа муддатга қолдирилиш ҳақида хабарлар чиққан эди.
Бироқ, Ла Лига раҳбарияти ўйиннинг кўчирилиши учун жиддий сабаб кўрмади. Бундан ташқари, Испания полицияси ўйин пайтида хавфсизлик чоралари юқори даражада бўлишига ваъда берди.
Шундай бўлса-да, «Барселона» раҳбарияти бу ўйинни мухлисларсиз ўтказишга қарор қилди.
