"Barselona" klubining xalqaro aloqalar bo‘yicha vise-prezidenti Karles Vilarrubi iste’fo berdi.
Mulozim Primeraning 7-turidan o‘rin olgan "Las-Palmas"ga qarshi o‘yinning o‘tkazilishiga qarshi edi. Biroq, rahbariyat texnik mag‘lubiyat yozilishidan qo‘rqib, o‘yinni muxlislarsiz o‘tkazish haqida qaror qabul qildi. Bundan norozi bo‘lgan Vilarrubi iste’foga chiqish haqida ariza yozdi.
Eslatib o‘tamiz, ayni paytda Kataloniya mustaqilligi uchun referendum o‘tkazilmoqda. Unda aholi bilan polisiya o‘rtasida to‘qnashuvlar yuzaga kelgan.
