«Bavariya»ning bir qator futbolchilari bosh murabbiy Karlo Anchelottining mashg‘ulotlaridan norozi bo‘lgan.

Xususan, Tomas Myuller, Manuel Noyer, Jerom Boateng va Aryen Robben klub rahbari Karl-Xayns Rummeniggega italiyalik mutaxassisning mashg‘ulotlari juda sust ekanidan shikoyat qilgan.

Shundan so‘ng, Rummenigge ularga qo‘shimcha mashg‘ulotlarni mahfiy o‘tkazishga ruxsat bergan. Ammo Anchelotti bundan xabar topib, mashg‘ulotlarni taqiqlab qo‘ygan. Biroq, futbolchilar o‘z bilganidan qolmay, boshqa joyda to‘planib, shug‘ullanishgan. Anchelotti bundan ham xabardor bo‘lgach, futbolchilar bilan munosabati uzil-kesil buzilgan.

Oxir-oqibatda, "Bavariya" Anchelottini iste’foga chiqargan.