"Manchester Yunayted" klubi va Belgiya terma jamoasi hujumchisi Romelu Lukaku "Kristal Pelas"ga qarshi o‘yinda to‘pig‘idan jarohat olgandi.
Goal portali tomonidan berilgan ma’lumotlarga ko‘ra, Lukaku ayni damda individual dastur bo‘yicha mashg‘ulotlar olib bormoqda.
O‘tkazilgan yakuniy tibbiy tekshiruvlari natijasida Lukakuning jarohati jiddiy emasligi aniqlandi. Hujumchining o‘zi Kipr va Bosniya termalariga qarshi o‘yinda maydonga tushishni istamoqda.
Biroq bosh murabbiy Roberto Martines uni maydonga tushirmaslikka qaror qilgan. Xulosalarga ko‘ra, Lukaku "Liverpul" bilan o‘yingacha safga qaytadi.













