"Манчестер Юнайтед" клуби ва Бельгия терма жамоаси ҳужумчиси Ромелу Лукаку "Кристал Пэлас"га қарши ўйинда тўпиғидан жароҳат олганди.
Goal портали томонидан берилган маълумотларга кўра, Лукаку айни дамда индивидуал дастур бўйича машғулотлар олиб бормоқда.
Ўтказилган якуний тиббий текширувлари натижасида Лукакунинг жароҳати жиддий эмаслиги аниқланди. Ҳужумчининг ўзи Кипр ва Босния термаларига қарши ўйинда майдонга тушишни истамоқда.
Бироқ бош мураббий Роберто Мартинес уни майдонга туширмасликка қарор қилган. Хулосаларга кўра, Лукаку "Ливерпуль" билан ўйингача сафга қайтади.
