JCH-2018 saralash bosqichi doirasida Osiyo mintaqasida pley-offnin dastlabki o‘yini bo‘lib o‘tdi. Malayziyada o‘tkazilgan bahsda Suriya va Avstraliya terma jamoalari durangga imzo chekishdi.

Birinchi bo‘limda "kengurular" tashabbusga ega bo‘lishdi va tanaffusga yaqin hisobni ochishga muvaffaq bo‘lishdi. Gol muallifi — Robbi Kruz. Ikkinchi taym avvalida mehmonlar ajoyib imkoniyatdan foydalana olishmadi. Hujum tomonidan yo‘llangan 2ta zarba darvoza to‘sini va ustuniga tegib qaytdi.

O‘yin so‘nggi yaqinlashgan sari suriyaliklar hujumlar sonini oshirishdi. Eronlik hakam Alirizo Fag‘oniy bahs tugashiga 5 daqiqa qolganida Avstraliya darvozasi tomon penalti belgiladi. Umar as-Soma 11 metrli jarima zarbasidan unumli foydalanib, hisobni tenglashtirdi.

Javob o‘yini 5 kundan keyin Avstraliyada bo‘lib o‘tadi. Uni Ravshan Ermatov boshqarib boradi.

JCH-2018 saralash. Osiyo, pley-off, dastlabki o‘yin
2017 yil 5 oktyabr, soat 17:30
SURIYA - AVSTRALIYA - 1:1 (0:1)
Gollar: Umar as-Soma (85-penalti) — Robbi Kruz (41)
Suriya: Ibrohim Alma, Hodi al-Masriy, Mayyad al-Ajan, Umar Xarbin, Mahmud al-Movas, Umar as-Soma, Yusuf Xalfa, Tamir Muhammad, Zohir Medeyn (S), Xolid Mubayd, Fahad Yusuf
Avstraliya: Metyu Rayan, Milosh Degenek, Mark Milligan, Metyu Yurman, Metyu Lekki, Tomi Yurich, Robbi Krus, Aaron Muy, Aziz Behich, Joshua Risdon, Trent Sainsbyuriy