ЖЧ-2018 саралаш босқичи доирасида Осиё минтақасида плей-оффнин дастлабки ўйини бўлиб ўтди. Малайзияда ўтказилган баҳсда Сурия ва Австралия терма жамоалари дурангга имзо чекишди.

Биринчи бўлимда "кенгурулар" ташаббусга эга бўлишди ва танаффусга яқин ҳисобни очишга муваффақ бўлишди. Гол муаллифи — Робби Круз. Иккинчи тайм аввалида меҳмонлар ажойиб имкониятдан фойдалана олишмади. Ҳужум томонидан йўлланган 2та зарба дарвоза тўсини ва устунига тегиб қайтди.

Ўйин сўнгги яқинлашган сари сурияликлар ҳужумлар сонини оширишди. Эронлик ҳакам Алиризо Фағоний баҳс тугашига 5 дақиқа қолганида Австралия дарвозаси томон пенальти белгилади. Умар ас-Сома 11 метрли жарима зарбасидан унумли фойдаланиб, ҳисобни тенглаштирди.

Жавоб ўйини 5 кундан кейин Австралияда бўлиб ўтади. Уни Равшан Эрматов бошқариб боради.

ЖЧ-2018 саралаш. Осиё, плей-офф, дастлабки ўйин
2017 йил 5 октябр, соат 17:30
СУРИЯ - АВСТРАЛИЯ - 1:1 (0:1)
Голлар: Умар ас-Сома (85-пенальти) — Робби Круз (41)
Сурия: Иброҳим Алма, Ҳоди ал-Масрий, Майяд ал-Ажан, Умар Харбин, Маҳмуд ал-Мовас, Умар ас-Сома, Юсуф Халфа, Тамир Муҳаммад, Зоҳир Медейн (С), Холид Мубайд, Фаҳад Юсуф
Австралия: Мэтью Райан, Милош Дегенек, Марк Миллиган, Мэтью Юрман, Мэтью Лекки, Томи Юрич, Робби Крус, Аарон Муй, Азиз Беҳич, Жошуа Рисдон, Трент Саинсбюрий