"Barselona" klubi ishtirokini davom ettiradigan Liga aniq bo‘ldi. Kataloniya mustaqillikni qo‘lga kiritsa ham "ko‘k-anorranglilar" Ispaniya Primerasi va Ispaniya kubogida ishtirokni davom ettiradigan bo‘lishdi. Bu haqda Mundo Deportivo nashri xabar tarqatdi.
Manbaga ko‘ra, Kataloniya futbol federasiyasi Ispaniya qirollik futbol federasiyasi tarkibidan chiqib ketmaydi. Shu bois, "Barsa" va Kataloniyaning boshqa jamoalari Ispaniya chempionatida ishtirokni davom ettirishadi.
La liga rahbariyati ham «Barselona»ni musobaqadan chetlatmoqchi emas. «Ko‘k-anorranglilar» La ligani tark etsa, Ispaniya chempionati televizion huquqlaridan tushadigan daromadlar 30-40% kamayib ketadi.