Argentina terma jamoasi hujumchisi Lionel Messi Ekvadorga qashi o‘yindan (3:1) keyin o‘z fikrlari bilan o‘rtoqlashdi.

«Raqib bizni xavotirga qo‘ydi, ammo, biz o‘tkazib yuborilgan goldan keyin tezda o‘zimizga kelib oldik va yaxshi o‘ynadik. Xotirjamlikni saqlab qoldik va yaratganga shukur, o‘z maqsadimizga erishdik — bu eng muhimi. Agar jahon chempionatiga chiqa olmasak, ahmoqlik bo‘lardi. Terma jamoa final bosqichiga chiqishga munosib edi.

Bizni tanqid qilishdi, ammo biz 3ta yirik musobaqaning finaliga chiqqandik. Bugun muhim kun bo‘ldi, ayniqsa, terma jamoaning yoshi katta futbolchilari uchun. Ma’lum vaqtga matbuot va muxlislardan chekindik. O‘ylaymanki, jipslashish uchun bu bizga yordam berdi. Hamjihatlik bilan o‘ynashda davom etsak, bizga oson bo‘ladi.

JCH-2014 va avvalgi Amerika kubogi fianlidagi mag‘lubiyatlarga munosib emasdik. Mazkur saralash bosqichida biz yaxshi ishtirok eta olmadik. Ammo hammasi yaxshilik bilan tugadi. Endi xotirjam musobaqaga tayyorgarlik ko‘ramiz. Jamoa o‘zgaradi va o‘z o‘yinini kuchaytiradi», – dedi Messi.