Аргентина терма жамоаси ҳужумчиси Лионель Месси Эквадорга қаши ўйиндан (3:1) кейин ўз фикрлари билан ўртоқлашди.

«Рақиб бизни хавотирга қўйди, аммо, биз ўтказиб юборилган голдан кейин тезда ўзимизга келиб олдик ва яхши ўйнадик. Хотиржамликни сақлаб қолдик ва яратганга шукур, ўз мақсадимизга эришдик — бу энг муҳими. Агар жаҳон чемпионатига чиқа олмасак, аҳмоқлик бўларди. Терма жамоа финал босқичига чиқишга муносиб эди.

Бизни танқид қилишди, аммо биз 3та йирик мусобақанинг финалига чиққандик. Бугун муҳим кун бўлди, айниқса, терма жамоанинг ёши катта футболчилари учун. Маълум вақтга матбуот ва мухлислардан чекиндик. Ўйлайманки, жипслашиш учун бу бизга ёрдам берди. Ҳамжиҳатлик билан ўйнашда давом этсак, бизга осон бўлади.

ЖЧ-2014 ва аввалги Америка кубоги фианлидаги мағлубиятларга муносиб эмасдик. Мазкур саралаш босқичида биз яхши иштирок эта олмадик. Аммо ҳаммаси яхшилик билан тугади. Энди хотиржам мусобақага тайёргарлик кўрамиз. Жамоа ўзгаради ва ўз ўйинини кучайтиради», – деди Месси.