“Bavariya” hujumchisi Robert Levandovski “Oltin to‘p” uchun yana nomzod sanalmoqda. O‘tgan safar u mukofot uchun ro‘yxatning 16-o‘rnidan joy olgandi. Futbolchi shu haqda fikr bildirdi.
“Futbolchilarga “Oltin to‘p” uchun nega 5, 25 yoki 50-o‘rinlar berilishini tushunmayman. Axir uchta o‘rin eng muhim, xolos, qolgan o‘rinlar kerakmas. O‘tgan yili deyarli hech narsa qila olmadim, bu achinarli. Sen “Bavariya”da o‘ynasang, Chempionlar ligasining yarim finaliga qadar yetib borsang, Bundesliga to‘purariga aylansang va Chempionlar ligasi to‘purarlari ro‘yxatida ikkinchi o‘rinni egallasang... Bilmadim, yana nimalar qilish kerak? “Oltin to‘p” men uchun muhimmi? Bilmadim, bu borada hech narsa deya olmayman. Qachonki Chempionlar ligasi finalida g‘olib bo‘lsam va Bundesliga chempioniga aylansam, “Oltin to‘p” haqida o‘ylashim mumkin. Ammo bu sovrin — mening maqsadim emas”, dedi Levandovski.
