“Бавария” ҳужумчиси Роберт Левандовски “Олтин тўп” учун яна номзод саналмоқда. Ўтган сафар у мукофот учун рўйхатнинг 16-ўрнидан жой олганди. Футболчи шу ҳақда фикр билдирди.
“Футболчиларга “Олтин тўп” учун нега 5, 25 ёки 50-ўринлар берилишини тушунмайман. Ахир учта ўрин энг муҳим, холос, қолган ўринлар керакмас. Ўтган йили деярли ҳеч нарса қила олмадим, бу ачинарли. Сен “Бавария”да ўйнасанг, Чемпионлар лигасининг ярим финалига қадар етиб борсанг, Бундеслига тўпурарига айлансанг ва Чемпионлар лигаси тўпурарлари рўйхатида иккинчи ўринни эгалласанг... Билмадим, яна нималар қилиш керак? “Олтин тўп” мен учун муҳимми? Билмадим, бу борада ҳеч нарса дея олмайман. Қачонки Чемпионлар лигаси финалида ғолиб бўлсам ва Бундеслига чемпионига айлансам, “Олтин тўп” ҳақида ўйлашим мумкин. Аммо бу соврин — менинг мақсадим эмас”, деди Левандовски.
