Angliyaning "Manchester Yunayted" jamoasi sobiq darvozaboni Peter Shmeyxel "Liverpul" posboni Simon Minyoleni qo‘llab-quvvatladi.

"Minyole - juda yaxshi darvozabon. Uni nima uchun tanqid qilishayotganini tushunmayman. Ha, u ayrim vaziyatlarda noto‘g‘ri qarorlar chiqaryapti, biroq bu unchalik yomon emas.

Simon o‘zining o‘yinlari bilan maydonda eng yaxshisi ekanligini isbotlashga harakat qilmoqda. Barqaror o‘ynay olmayotgani bois u har doim ham asosiy tarkibda maydonga tushmayapti", - deydi Shmeyxel.

Oldinroq Shmeyxel "MYU"ning ayni damdagi posboni David De Xeani emas, "Bavariya" darvozaboni Manuel Noyerni dunyoning eng yaxshi darvozaboni deb hisoblashini aytgandi.