O‘zbekiston U-19 ayollar terma jamoasi Xitoyning Nankin shahrida o‘tayotgan Osiyo chempionati “A” guruhi so‘nggi, 3-turida Tailandga qarshi bahs olib bordi. Mazkur o‘yinda Bahrom Norsafarov shogirdlari 2:2 hisobida durang o‘ynadi.

Uchrashuvning 9-daqiqasida Diyora Habibullayeva hisobni ochgan bo‘lsa, birinchi bo‘lim  yakunida tailandliklar hisobni tenglashtirdi. 67-daqiqada yana Diyora Habibullayeva o‘z nomini tabloga yozdirdi. Burchakdan uzatilgan to‘pga boshi bilan zarba bergan futbolchi raqib darvozasini aniq nishonga oldi.

3 daqiqadan keyin Tailand U-19 termasi a’zosi Orrapan himoyachilar xatosidan unumli foydalanib, muvozanatni tikladi — 2:2. O‘yin yakuniga qadar hisob o‘zgarmadi va O‘zbekiston U-19 termasi Osiyo chempionatini durang bilan tugatdi.

Parallel ravishda kechgan “A” guruhining yana bir o‘yinida peshqadamlar KXDR va Xitoy o‘zaro kuch sinashdi. Mazkur o‘yinda KXDR U-19 ayollar termasi 2:0 hisobida g‘alaba qozondi. Har ikki jamoa pley-off bosqichiga yo‘l oldi.

U-19 ayollar o‘rtasida OCH
Nankin shahri, Xitoy
“A” guruhi, 3-tur

Tailand – O‘zbekiston 2:2

Gollar: Kannayat Chettabutr (45), Orrapan (71) – Diyora Habibullayeva (9, 67)

Ogohlantirish: Maftuna Panjiyeva (87)

O‘zbekiston: Maftuna Jonimqulova, Darina Fedosenko, Shahnoza Qurbonova, Feruza Boboxo‘jayeva, Malika Burxonova, Maftuna Shoyimova, Umida Zoirova, Nozima Kamoltoyeva (Gulhayo Mannoboyeva, 90), Diyora Habibullayeva, Sevara Normurodova (SHoira Qo‘lto‘rayeva, 75), Soliha Husniddinova.

Zaxira: Sarvinoz Ergasheva, Nargiza Mahmudova, Zarina Boboyeva, Gulhayo Mannoboyeva, Laylo Shodiyeva, Gulzoda Amirova, Komila Zaripova, Dildora Ergasheva, Shoira Qo‘lto‘rayeva, Shahnoza Shokirova, Maftuna Panjiyeva.

“A” guruhi 3-turidan keyin turnir jadvalidagi holat quyidagi ko‘rinishni oldi. O‘zbekiston U-19 ayollar termasi guruh bosqichida 3-o‘rinni egalladi.