Angliya chempionatining 9-turidan o‘rin olgan "Chelsi" - "Uotford" uchrashuvi yakuniga yetdi. Unda 4:2 hisobi qayd etilib, mezbonlarning g‘alabasi bilan tugadi.

Uchrashuv debyutida Pedro londonliklarni oldinga olib chiqqan bo‘lsa, mehmonlar birinchi bo‘lim oxiri va ikkinchi bo‘lim boshidagi gollar evaziga ustunlikni tortib oldilar. Gollarga Dukure va Pereyra mualliflik qilishdi.

Biroq shundan so‘ng “Chelsi” o‘ziga keldi va bir qator xavfli hujumlar sodir etdi. 71-daqiqada Mishi Batshuayi muvozanatni tiklagan bo‘lsa, 87-daqiqada Sezar Aspilikueta mezbonlarni yana hisobda olding aolib chiqdi.

Hakam tomonidan qo‘shib berilgan daqiqalarning so‘nggisida Batshuayi jamoasining to‘rtinchi o‘zining ikkinchi golini urdi.

Chelsi – Uotford 4:2 (1:1, 3:1)

Gollar: 1:0 – 12 Pedro, 1:1 – 45+3 Dukure, 1:2 – 49 Pereyra, 2:2 – 71 Batshuayi, 3:2 – 87 Aspilikueta, 4:2 – 90+5 Batshuayi

Chelsi – Kurtua, David Luiz, Keyxill, Alonso (Villian, 68), Ryudiger, Pedro (Dzappakosta, 86), Fabregas, Azar, Bakayoko, Aspilikueta, Morata (Batshuayi, 61).

Uotford – Gomes, Kabasele, Britos, Xolebas, Mariappa (Grey, 90), Pereyra (Karrilyo, 65), Kleverli, Risharlison, Dukure, Femeniya, Dini (Uotson, 80).

Ogohlantirishlar: Xolebas (12), Mariappa (19), Ryudiger (23), Morata (56), Femeniya (78).