Mish-mishlarga ko‘ra, “PSJ” klubi hujumchisi Neymar jamoa bosh murabbiyi Unai Emeri bilan mashg‘ulotlarda tortishib qolgan.

L’Équipe nashrining xabariga ko‘ra, juma kungi mashg‘ulotlarda futbolchi va mutaxassis o‘rtasida jiddiy ziddiyat kelib chiqqan.

Bizga yetib kelgan ma’lumotlarga ko‘ra, Emeri YECHLning so‘nggi o‘yini “Anderlext”ga qarshi o‘yin (4:0) da ishtirok etmagan futbolchilarni intensiv o‘yin mashqlarida shug‘ullantirishni rejalashtirgan. O‘yinda qatnashgan futbolchilar esa shunchaki yengil mashg‘ulotlar o‘tkazib, massaj olishlari kerak bo‘lgan.

Lekin Neymar mashg‘ulotlarda to‘liq ishtirok etishni istab qolgan ammo bunga Emeri jiddiy qarshilik bildirgan.

Xabar qilinishicha 25 yoshli futbolchi murabbiyning qaroridan so‘ng mashg‘ulot maydonini jaxl bilan tark etib, yo‘lidagi to‘pni g‘azab bilan tepib devorga tepib yuborgan.

Eslatib o‘tamiz, avvalroq Neymar jamoa yetakchilaridan biri Edinson Kavani bilan penalti talashib ziddiyatga borib qolgandi.