Fransiyaning PSJ jamoasi bosh murabbiyi Unai Emeri "Marsel" bilan o‘ynalgan durang haqida fikr bildirdi.
"Neymarning chetlatilganidan albatta biroz xafa bo‘ldik. Uchrashuv davomida ungi nisbatan bir necha marta qoida buzishdi. Hakam ham yana o‘ylab ko‘rishi kerak edi. Biz o‘z futbolchilarimizni himoya qila olishimiz lozim.
Neymar ilk sariq kartochkaga loyiq emasdi. Bunday futbolchilar har doim jangovor o‘yin qiladi. U jamoaga har doim kerak.
Maydondagi chim biroz o‘sib ketganidan to‘pni yerdan o‘ynash juda qiyin bo‘ldi. Bugun tezroq o‘ynashni niyat qilgandik. Ammo buni bajarish juda og‘ir bo‘ldi. 1:2dan keyin 10 kishi qoldik, ammo xarakter ko‘rsatib, gol urishga erishdik", - deydi Emeri.
