Rio—2016 Olimpiadasining bronza medali sovrindori o‘zbekistonlik Rustam To‘laganov professional boksdagi debyut jangini g‘alaba bilan yakunladi.

To‘laganov prof boksdagi dastlabki jangini AQSHning Chikago shahrida o‘tkazdi. Qiziq jihati u 79,9 kilogramm vazn toifasida ringga ko‘tarildi.

Debyutantlar uchun jang 4 raundlik qilib belgilab qo‘yilgandi. To‘laganov ularning barchasini o‘tkazdi va raqibini ochkolar farqiga ko‘ra mag‘lubiyatga uchratdi. Uning keyingi janglarida raundlar soni ko‘payib boradi.

To‘laganov jangga meksikalik murabbiylar qo‘lostida tayyorgarlik ko‘rgandi. Bunda unga Top Rank promouterlik kompaniyasi homiylik qildi. Jang kimga qarshi bo‘lib o‘tgani borasida ma’lumotlar yo‘q.