“Yuventus” klubi darvozaboni Janluiji Buffon “Milan”ga qarshi uchrashuv (2:0) dan so‘ng o‘z jamoasi imkoniyatlarini “Napoli” bilan tenglashtirilishiga qarshi chiqdi.

“Yuventus” va “Napoli” – umuman boshqa-boshqa uslubda o‘ynaydigan jamoalar hisoblanishadi. “Napoli»ga havas qilib harakatlanmaymiz, bu bizning o‘z g‘oyalarimizga to‘g‘ri kelmaydi.

To‘g‘ri, “Napoli”da ochkolari ko‘p, balki ular bizdan yaxshiroq o‘yin namoyish etayotgan bo‘lishi mumkin. Ammo “Yuventus” doimgidek o‘z uslubida harakat qilishni yaxshi ko‘radi.

Iguain ajoyib o‘yin o‘tkazdi va ikkita gol urdi. “Milan”ga qarshi bor kuchimiz bilan o‘ynadik, chunki muhim o‘yinda g‘alaba qozonishimiz kerak edi”, – deydi Buffon.