“Ювентус” клуби дарвозабони Жанлуижи Буффон “Милан”га қарши учрашув (2:0) дан сўнг ўз жамоаси имкониятларини “Наполи” билан тенглаштирилишига қарши чиқди.

“Ювентус” ва “Наполи” – умуман бошқа-бошқа услубда ўйнайдиган жамоалар ҳисобланишади. “Наполи»га ҳавас қилиб ҳаракатланмаймиз, бу бизнинг ўз ғояларимизга тўғри келмайди.

Тўғри, “Наполи”да очколари кўп, балки улар биздан яхшироқ ўйин намойиш этаётган бўлиши мумкин. Аммо “Ювентус” доимгидек ўз услубида ҳаракат қилишни яхши кўради.

Игуаин ажойиб ўйин ўтказди ва иккита гол урди. “Милан”га қарши бор кучимиз билан ўйнадик, чунки муҳим ўйинда ғалаба қозонишимиз керак эди”, – дейди Буффон.