O‘z vaqtida “Zenit”da o‘ynagan, hozir esa Chexiya chempionatining 4-divizionida “Zbuzan” jamoasi safida harakat qilayotgan Radek Shirl o‘yin vaqtida hakamni nokautga uchratdi.

U dastlab hujum vaqtida raqib darvozaboni bilan to‘qnashib ketdi va yiqilib tushgan posbonni ikki-uch marta tepdi. Oqibatda raqib futbolchilari bu holga aralashishdi va janjal yuzaga keldi. Hakamlar voqeaga aralashishgach esa Shirl bosh hakamga orqa tomondan zarba berdi va uni yerga qulatdi. O‘yin esa bir necha daqiqaga to‘xtab qoldi.

36 yoshli futbolchi endi uzoq muddatga diskvalifikasiya qilinishi mumkin.

Shirl 2003-2010 yillarda “Zenit”da o‘ynagan va Rossiya chempionligi, UYEFA kubogi hamda Rossiya kubogini qo‘lga kiritgan.