Ўз вақтида “Зенит”да ўйнаган, ҳозир эса Чехия чемпионатининг 4-дивизионида “Збузан” жамоаси сафида ҳаракат қилаётган Радек Ширл ўйин вақтида ҳакамни нокаутга учратди.
У дастлаб ҳужум вақтида рақиб дарвозабони билан тўқнашиб кетди ва йиқилиб тушган посбонни икки-уч марта тепди. Оқибатда рақиб футболчилари бу ҳолга аралашишди ва жанжал юзага келди. Ҳакамлар воқеага аралашишгач эса Ширл бош ҳакамга орқа томондан зарба берди ва уни ерга қулатди. Ўйин эса бир неча дақиқага тўхтаб қолди.
36 ёшли футболчи энди узоқ муддатга дисквалификация қилиниши мумкин.
Ширл 2003-2010 йилларда “Зенит”да ўйнаган ва Россия чемпионлиги, УЕФА кубоги ҳамда Россия кубогини қўлга киритган.