“PSJ” hamda “Bavariya” jamoalari YECHL musobaqasining 4-turida g‘alaba qozonishdi.

Parijliklar o‘z maydonlarida “Anderlext” (5:0) ustidan yirik hisobda g‘alaba qozonishgan bo‘lsa, “Bavariya” safarda “Seltik” (2:1) ni mag‘lubiyatga uchratdi.

Mazkur g‘alaba germaniyaliklar va fransiyaliklarga YECHLning pley-off bosqichida ishtirok etish huquqini beradi. “Bavariya” hisobida endi 9 ochko bor, “Seltik”da esa 3 ochko.

Agar ochkolar soni guruh bosqichiga qadar tenglashib qoladigan bo‘lsa, o‘zaro uchrashuvlar natijasiga ko‘ra, “Bavariya” keyingi bosqichda o‘ynaydi.

Bundan tashqari, “PSJ” ham keyingi bosqichda ishtirok etish huquqini muddatidan oldin hal etdi.

Parijliklar 4 o‘yinning barchasida g‘alaba qozonib, 100 foizlik natijani qayd etishdi. Ya’ni 12 ochko jamg‘arishni uddalashdi.