Angliyaning “Liverpul” klubi bosh murabbiyi Yurgen Klopp “Maribor”ga qarshi uchrashuv oldidan o‘z fikrlari bilan o‘rtoqlashdi.

“Maribor”ni 7:0 hisobida yutganimizdan keyin muxlislar raqibdan qo‘rqishmayotgan bo‘lishlari mumkin. Ammo mening vazifam jamoani 100 foiz o‘yinga tayyorlash hisoblanadi.

“Enfild”dagi muxlislar doim birdam, bu esa bizning har bir uy o‘yinimizda katta kuchga ega ekanligimizdan dalolat beradi.

“Maribor”ga qarshi uchrashuvda barchasi yaxshi o‘tdi. Biz tezkorlik bilan birinchi ikkinchi va uchinchi gollarni urdik. Lekin “Tottenxem”ga mag‘lubiyatga uchradik. Nima bo‘lganda ham “Maribor” o‘z kuchi bilan YECHLda o‘ynash huquqini qo‘lga kiritdi.

Deyan Lovren va Filippe Koutinyo o‘yinga tayyor bo‘lishi haqida hozir hech qanday yangilik ayta olmayman.

Roberto Firminyo “Xaddersfild”ga qarshi o‘yindan keyin o‘zini biroz yomon his etdi, shu sababdan u mashg‘ulotlarda ehtiyot bo‘lishi kerak. Tarkib haqida esa so‘nggi qarorni qabul qilaman”, – deydi Klopp.

Eslatib o‘tamiz, “Liverpul” – “Maribor” o‘yini bugun, Toshkent vaqti bilan 00:45 da boshlanadi.