«Tottenxem» bosh murabbiyi Maurisio Pochettino Yevropa chempionlar ligasining 4-turi doirasida bo‘lib o‘tgan «Real»ga qarshi o‘yin (3:1) borasida o‘z fikrlari bilan o‘rtoqlashdi.

 «Real»ni mag‘lub etish uchun sen eng yaxshi o‘yiningni ko‘rsatishing kerak. Biz shunday o‘yin namoyish qildik va g‘alaba qozondik.

Har qanday murabbiy turli o‘yin uslublarini tahlil qiladi, raqibga muammo yaratish imkoniyatlarini izlaydi. O‘yindan oldin biz «Real»ni, ular esa bizni o‘rganishgan.

Asosiysi — raqib himoyasiga bosim o‘tkazish edi. "Real" himoyachilarimizning ortiga to‘pni yetkazishga harakat qilganini barcha ko‘rdi, biz ham shunday qilishga intildik.

Men uchun eng muhimi, jahonning eng yaxshi jamoasi fonida raqobatbardosh o‘yin ko‘rsatdik. Eng kuchli raqiblarga qarshi o‘ynayapmiz. Yanada yuqori saviyaga ko‘tarilish uchun ularni yana va yana mag‘lub etishimiz kerak. Futbolchilar oldinga intilishni istashlari lozim.

Bunday o‘yinlar bizni Yevropada yanada taniqli jamoaga aylantiradi. Biz pley-off yo‘llanmasini qo‘lga kiritib bo‘ldik. O‘tgan mavsumga qaraganda oldinga qadam tashladik. Umid qilaman, qur’a biz uchun omadli keladi», – dedi Pochettino.