«Тоттенхэм» бош мураббийи Маурисио Почеттино Европа чемпионлар лигасининг 4-тури доирасида бўлиб ўтган «Реал»га қарши ўйин (3:1) борасида ўз фикрлари билан ўртоқлашди.

 «Реал»ни мағлуб этиш учун сен энг яхши ўйинингни кўрсатишинг керак. Биз шундай ўйин намойиш қилдик ва ғалаба қозондик.

Ҳар қандай мураббий турли ўйин услубларини таҳлил қилади, рақибга муаммо яратиш имкониятларини излайди. Ўйиндан олдин биз «Реал»ни, улар эса бизни ўрганишган.

Асосийси — рақиб ҳимоясига босим ўтказиш эди. "Реал" ҳимоячиларимизнинг ортига тўпни етказишга ҳаракат қилганини барча кўрди, биз ҳам шундай қилишга интилдик.

Мен учун энг муҳими, жаҳоннинг энг яхши жамоаси фонида рақобатбардош ўйин кўрсатдик. Энг кучли рақибларга қарши ўйнаяпмиз. Янада юқори савияга кўтарилиш учун уларни яна ва яна мағлуб этишимиз керак. Футболчилар олдинга интилишни исташлари лозим.

Бундай ўйинлар бизни Европада янада таниқли жамоага айлантиради. Биз плей-офф йўлланмасини қўлга киритиб бўлдик. Ўтган мавсумга қараганда олдинга қадам ташладик. Умид қиламан, қуръа биз учун омадли келади», – деди Почеттино.