Belgiyaning “Antverpen” futbol klubi safida faoliyat olib boradigan 17 yoshli futbolchi Joel Lobanzo 2 noyabr kuni yuragidagi kasalliklar asorati tufayli vafot etdi. Bu haqda “Antverpen” klubining Matbuot xizmati xabar bermoqda.
Ma’lum bo‘lishicha, 17 yoshli futbolchi klubning kecha, 1 noyabr kuni o‘tkazilgan navbatdagi mashg‘ulotlari vaqtida o‘zini yomon his etgan.
Joel Lobanzo jamoa shifokorlarining tekshiruvidan so‘ng zudlik bilan shifoxonaga yetkazilgan.
Shifoxonada deyarli bir kun o‘lim bilan kurashgan 17 yoshli yigitcha, bugun yurak faoliyatining to‘xtab qolishi sabab foniy dunyo bilan xayrlashdi.
Og‘ir judolikdan so‘ng “Atverpen” klubi futbolchining yaqinlariga chuqur hamdardlik bildirdi.
Eslatib o‘tamiz, avvalroq Indoneziya chempionatida ishtirok etadigan mahalliy “Persela Lamongan” klubi darvozaboni Xoyrol Xuda ikki futbolchi bilan to‘qnashib ketishi oqibatida bo‘yin qismidan qattiq jarohat olib, natijada vafot etgandi.