Madridning «Real» klubi hujumchisi Krishtianu Ronaldu «Tottenxem»dan (3:1) qabul qilib olingan olingan mag‘lubiyatdan so‘ng o‘z fikrlarini bildirib o‘tdi. Oldinroq jamoa La-liganing so‘nggi turida «Jirona»ga (2:1) ham imkoniyatni boy bergandi.

«Bu Futbol: ba’zida g‘alaba qozonasiz, ba’zida mag‘lubiyatga uchraysiz. Bu juda ham ayanchli mag‘lubiyat bo‘ldi va bu biz uchun dars bo‘lishi kerak.

Bizning jamoa g‘alaba qozonib o‘rgangan. Shuning uchun o‘zimizni qo‘lga olib, oldinga intilishimiz kerak.

Qo‘rqinchli hech narsa yo‘q, shunchaki, bizda kichik omadsiz seriya yuzaga keldi. Hech kim yoki hech narsa ideal bo‘la olmaydi.

Hozirda jamoaviy o‘yiniz o‘zimiznikiga o‘xshamayapti, lekin bu o‘tib ketishiga ishonaman. Hamma avvalgidek o‘z ishini bajarsa, vaziyatni o‘nglay olamiz» – deydi Ronaldu.