«Barselona» bosh murabbiyi Ernesto Valverde Ispaniya La ligasining 11-turi doirasida bo‘ladigan «Sevilya»ga qarshi o‘yin oldidan o‘z fikrlarini bildirib o‘tdi.

«Inyesta kecha mashg‘ulotda oxiriga qadar shug‘ullana olmadi. Uning holati hozircha noma’lum bo‘lib turibdi. Ko‘ramiz, u o‘yinda ishtirok eta olarmikan. Messi kabi u ham fantastik o‘yinchi. Tabiiyki, uning o‘rni bilinadi. Shunga qaramay, safimizda Inyestaning o‘rnini bosa oladigan futbolchilar bor. Agar Andres «Sevilya»ga qarshi o‘yinda maydonga tusha olmasa, terma jamoa ixtiyoriga yo‘l oladi va u yerda tibbiy ko‘rikdan o‘tadi.

Terma jamoalar o‘yinlari munosabati bilan tanaffusga yaxshi natija bilan yo‘l olish hamisha yoqimli. Oldinda 15 kun vaqt bor va futbolchilarning ruhiy holati so‘nggi o‘yin natijasiga bog‘liq bo‘ladi. Bi biz uchun jiddiy sinov. Keyingi muhim bosqich yangi yil oldidan yuzaga keladi.

«Sevilya» — qiyin raqib. Ular muvaffaqiyatsiz o‘yinlar seriyasidan keyin yaxshiroq o‘ynay boshlashdi.

Messi bir klub safida 600-o‘yinda ishtirok etishi, uning gollari va assistentlik qilayotgani — aqlbovar qilmas natija. Ta’rifga til ojiz. Faqat Xavi va Inyesta «Barselona» safida unga nisbatan ko‘p o‘yin o‘tkazishgan», — dedi Valverde.