Chempionlar Ligasining 3-turidan keyin bir qancha yosh yulduzlar o‘zlarining iste’dodlarini namoyish eta oldi. Ammo ular orasidan bir nechtasi darhaqiqat judayam iqtidorli va ularni yaqin kelajakda eng yaxshilar safida ko‘rsak ajab emas. France Football nashri shulardan ba’zilariga to‘xtalib o‘tdi.
Devinson Sanches (“Tottenxem”, 21 yosh)
Jismoniy kuchga ega va to‘p bilan muomala qilishga mohir bunday futbolchilar ko‘chada yurishmaydi. Shu bois, “Tottenxem” Devinson Sanches uchun o‘z g‘aznasidan 40 million yevroni indamasdan sanab berganini tushunish mumkin. Agarda, u o‘tgan yili “Ayaks” tarkibida Yevropa Ligasida ajoyib mavsumni o‘tkazgan bo‘lsa.
Kolumbiyalik markaziy himoyachi “taqachilar” safida bir necha hafta o‘ynayotganiga qaramay, Angliyaning eng yaxshi qo‘rg‘onlaridan biri Alderveyreld – Vertongen juftligiga yanada kuch bag‘ishladi. “Borussiya Dortmund” va “Real Madrid”ga qarshi o‘yinlarda judayam foydali bo‘ldi.o‘tgan hafta Premyer Ligada birinchi bor maydonga tushdi va afsuski “Manchester Yunayted”ga imkoniyatni boy berdi.
Dayo Upamekano (“RB Leypsig”, 19 yosh)
“Valansyenn”dan “Salzburg”ga deyarli anonim ravishda ikki yil oldin ko‘chib o‘tgandi. 2015-yilda Fransiya o‘smirlar terma jamoasi (U-17) bilan Yevropa chempioni bo‘lgan Upamekano qadamma-qadam rivojlanib bordi. “RB Leypsig”ga shu yilning yanvarida borib qo‘shilgan futbolchi “Monako”, “Portu” va “Beshiktosh”ga qarshi ajoyib o‘yinlarini o‘tkazdi. Fransiyalik iqtidor egasi yaqindagina ...
