Bugun Qarshi shahridagi “Markaziy” stadionda katta futbol. “Nasaf” bugun “Metallurg” bilan bahs yuritadi. Uchrashuv soat 17:00da boshlanadi.
O‘zPFL 27-tur
“Nasaf” (Qarshi) - “Metallurg” (Bekobod)
04.11.2017. “Markaziy” stadion. 17:00da
Bosh hakam: Ravshan Ermatov (Toshkent)
Qanot hakamlari: Abduhamidullo Rasulov (Toshkent), Jahongir Saidov (Toshkent)
Zaxira hakami: Jasur Muxtorov (Toshkent)
Nazoratchi: Artyom Arutyunov (Toshkent)
O‘zPFL vakili: Noil Lutfulin (Toshkent).
“Nasaf” va “Metallurg” jamoalari hozirgacha o‘zaro 39 marta tuqnash kelishgan. Bo‘lib o‘tgan 25 o‘yinda “Nasaf” jamoasining qo‘li baland kelgan. 4 o‘yinda durang natija qayd etilgan. Qolgan 10 uchrashuvda bekobodliklar g‘alaba qozonishgan. To‘plar nisbati bo‘yicha “Nasaf” futbolchilari ustunlikni o‘z qo‘llarida ushlab turishibdi – 67:31.
Shuningdek mazkur jamoalar Qarshida o‘zaro 19 uchrashuvda maydonga tushishgan. Ushbu uchrashuvlarning 17tasida “Nasaf” g‘alaba qozongan. 1 uchrashuvda durang va yana 1 uchrashuvda ma’danchilar g‘alabaga erishgan. “Metallurg” Qarshidan so‘nggi bor 2015 yilda g‘alaba bilan qaytgan. Bu “Metallurg”ning Qarshida qozongan yagona g‘alabasidir.
“Nasaf” bugun oliy ligadagi 615-uchrashuvida maydonga tushadi.
Joriy chempionatda “Ajdarlar”ning g‘alabali seriyasi davom etmoqda. Jamoamiz keyingi 8 uchrashuvda ketma-ket g‘alabaga erishgan.
Aziz futbol ishqibozlari hammalaringizni “Markaziy” stadionimizga chorlab qolamiz! Qiziqarli uchrashuvni o‘tkazib yubormang!
