“Qizilqum” – “Dinamo” (1:0) uchrashuvidan keyin matbuot anjumanida “Dinamo” ustozi Oleg Tyulkin uchrashuv haqida to‘xtaldi.

"Ikkala jamoa uchun ham qiyin o‘yin bo‘ldi. Standart vaziyatdan keyin gol o‘tkazvordik. Ochig‘i, bugungi mag‘lubiyatdan keyin nima qilishini bilmay qoldik. Biz chempionatni yakunlashimiz kerakmi? To‘rt tur qolganda qabul qilingan qaror nafaqat bizni, balki butun mamlakat ishqibozlarini “shok”ka tushirdi deyish mumkin. Reglament bor, tartib qoida bor. Reglament — bu futbolning konstitusiyasi. Samarqand, Jizzax, farg‘onalik muxlislar futbolni sevishmaydimi... Albatta, keyingi o‘yinimiz “Neftchi”ga qarshi. Ular ham biz kabi holatda. Har qanday vaziyatda ham g‘alaba qozonish uchun harakat qilamiz", - dedi Tyulkin.