Joriy yilning 31 avgustida Davide Zappakosta «Chelsi» bilan to‘rt yillik shartnomaga imzo chekdi.
«Ko‘klar» ishqibozlari darhol yangi futbolchi haqida ko‘proq bilish maqsadida internetga murojaat qilishdi - «Zappakosta kim o‘zi?».
Ushbu xarid ko‘pchilikni hayron qoldirgani rost, zero transferlar oynasi yakunlanishi arafasida o‘ng qanotga asosiy nomzod Aleks Oksleyd-CHemberlen edi.
«Chelsi» - «Lester» bahsining ikkinchi bo‘limida maydonga tushib, debyutini nishonlagan Zappakosta ko‘pchilikda yorqin taassurot qoldirdi. 12 sentyabr kuni o‘tkazilgan «Qorabog‘»ga qarshi uchrashuvda esa yangi klubidagi ilk golini urib, YECHLda to‘p kiritgan 100-italiyalikka aylandi. Xullas, shunday startdan keyin ham 25 yoshli lateral ko‘pchilik uchun jumboqqa aylanmoqda. Kim o‘zi u?
Davide 1992 yilning 11 iyun kuni markaziy Italiyadagi Sore shaharchasida (Frozinone provinsiyasi) tug‘ildi. Futbolga ishtiyoq unga otasi Robertodan (sobiq hujumchi, hozirda murabbiy) meros. Zappakosta besh yoshida mahalliy yoshlar klubiga qo‘shilib, ilk ustozi Mario Borza qo‘l ostida shug‘ullandi. 2008 yili «Isola Liri» safiga o‘tdi.
O‘smirlar futbolidagi yo‘li ravon kechdi. Murabbiylari uning mashg‘ulotlarda astoydil ter to‘kishi, har jabhada o‘sayotganini ta’kidlashardi. Mehnatlari samarasi o‘laroq, o‘sha kezlari Sandro Grossi boshqaruvidagi «Isola Liri»ning kattalar jamoasidan chaqiruv oldi.
«S2» seriyada 14ta o‘yin o‘tkazib, 1ta gol urgach, «Atalanta» skautlari nazariga tushdi. Shu tariqa, 2011 yilning yozida La Dea tarkibiga qo‘shildi. To‘g‘ri, u yerda uzoq qolmadi - bergamoliklar unga «S» seriyasida tajriba to‘plash imkoniyatini taqdim etishdi. Natijada Zappakosta kamtarona «Avellino»ga ijaraga berildi.
«Byankoverdi»dagi ilk mavsumi ishonchli kechmadi, vaholanki, umumiy hisobda 27ta uchrashuv o‘tkazgandi. Umuman, «Avellino»dagilar himoyachining o‘yinidan qoniqish hosil qilib, 2012|2013 yillar mavsumida uning transfer huquqini «Atalanta»dan sotib olishdi. Garchi o‘sha mavsum barqarorlikka erisholmasada, «S» seriyadagi ilk golini urdi. «Byankoverdi» esa yakunda «B» seriya yo‘llanmasini qo‘lga kiritdi.
Yangi mavsumga taraddud ko‘rish jarayonida bosh murabbiy 4-3-1-2 taktik sxemasini 3-5-2ga o‘zgartirgach, Zappakosta o‘ng qanotga o‘tib, o‘zining eng yorqin sifatlarini namoyish eta boshladi.
2013|2014 yillar mavsumi omadli kechdi: ekspertlar uning o‘yinini maqtashdi, chempionat yakunida esa Zappakostani kashfiyot sifatida e’tirof etishdi.
«V» seriyaning o‘sha mavsumida 32ta uchrashuvda maydonga tushgan Davide ikkita gol va bitta samarali uzatma muallifiga aylandi. U ham himoya, ham hujumga ulgurardi.
Italiyada Zappakostaga terma jamoa kelajagi sifatida qaray boshlashdi. Unga qiziqqan klublar orasida DAVOMI
