"Barselona" himoyachisi Xavyer Maskerano maydonga kam tushayotganidan norozi. 33 yoshli futbolchi klubini o‘zgartirmoqchiligi va Argentinaga qaytishi mumkinligini aytdi.

"Men uchun asosiysi - baxtiyor bo‘lish. Ishlarning borishiga qarab qaror chiqaraman. "Barselona"da avvalgiday ko‘p maydonga tushmayapman. Ha, maydonga tushib turibman, jamoa a’zosiman. Mashg‘ulotlardagi mehnatim sababli har o‘yinda maydonga tushishga haqliman. Men ko‘proq o‘ynashni istayman, ammo boshqa futbolchilar bunga loyiqmas, demoqchimasman.

Vaziyatni tahlil qilaman. Menga Argentinadan hech qanday taklif bo‘lmagan, bu haqida o‘ylab ko‘rganim yo‘q. Ko‘ramiz, kelajakda nima bo‘lar ekan", - deydi Maskerano.